झाडेगाव : डॉ. बाबासाहेब आंबेडकर यांच्या जयंतीनिमित्त ग्राम झाडेगाव येथे एक सार्थ कार्यक्रम आयोजित करण्यात आला. या प्रसंगी डॉ. आंबेडकरांच्या स्मारकाला हार अर्पण करून श्रद्धांजली वाहण्यात आली.
यावेळी ग्रामस्थ शाळेतील विद्यार्थ्यांना शालेय उपयोगी साहित्याचे वाटप करण्यात आले. डॉक्टर बाबासाहेब आंबेडकर यांच्या स्मारकाजवळ तसेच शाळेच्या परिसरात पर्यावरण संरक्षणासाठी वृक्षारोपण करण्यात आले. या उपक्रमामुळे पर्यावरणाबाबत जागरूकता निर्माण होण्यास मदत होईल, असे मान्यवरांनी सांगितले.
कार्यक्रमाला वंचित बहुजन आघाडीचे नेते ॲड. संदीपभाऊ उगले, राष्ट्रवादी शरद पवार पक्षाचे नेते श्री. विश्वासराव पाटील, शिवसेना नेते मेजर वसंतराव मिरगे, लोकनियुक्त सरपंच रामरतन भाऊ चोपडे, वंचित बहुजन युवक आघाडीचे रोशन भाऊ तायडे, उपसरपंच उषाताई भोंडोकार, ग्रामपंचायत सदस्य दत्ताभाऊ काळंगे, शाळा व्यवस्थापन समितीचे अध्यक्ष प्रफुल्ल भाऊ तायडे, शाळेचे मुख्याध्यापक श्री. रवींद्र मेहेंगे सर, श्री. गयी सर, आनंद गवई, रवींद्र तायडे, चंद्रकांत गावंडे, ग्रामपंचायत सदस्य मनोहर तायडे, अनंता भाऊ चोपडे, संदीप भाऊ तायडे, वैभव वानखडे आदी मान्यवर उपस्थित होते.
या कार्यक्रमात डॉ. बाबासाहेब आंबेडकर यांच्या विचारांचा प्रचार आणि पर्यावरण रक्षणाचा संदेश एकत्रितपणे देण्यात आला. सर्व उपस्थितांनी विद्यार्थ्यांना प्रोत्साहन दिले आणि भविष्यात असे उपक्रम अधिक चांगल्या पद्धतीने राबवण्याचे आवाहन केले.
